我中五畢業，做過酒店保安、文職、銷售員、清潔工、救生員，但每份工都做唔長，太多是是非非、勾心鬥角，無咁自在。

從勾心鬥角的職場到揮汗如雨的搬運場

工廈搬運區一向都是男人的天地，在別人眼中辛苦、污糟搬運工作，卻早在朱芊佩(小朱)童年種下憧憬。小朱幼時家住美孚新邨，做生意的父親很愛帶她看貨櫃碼頭的日常運作，「佢教我呢個係20呎櫃、嗰個係24呎櫃，睇住啲機器將貨櫃夾嚟夾去，覺得好好玩，好想知點操作。就算平時玩砌積木，都會砌貨櫃碼頭。」

畢業後的四、五年間，小朱試過不少文職和較舒服的酒店工作，然而幼時的「教育」，再加上職場的爾虞我詐，讓小朱最終投身運輸業界：「我中五畢業，做過酒店保安、文職、銷售員、清潔工、救生員，但每份工都做唔長，太多是是非非、勾心鬥角，無咁自在。」

大家講嘢好真、好直接，又好團結，有時唔夠力就會互相幫忙，雖然做物流成日大汗滴細汗，但係做得開心，又儲到經驗、錢，又會學到唔同嘅嘢。

真話男子圈

很多人都苦口婆心，勸小朱不要做這體力活，不要在污穢粗魯的男人圈中打滾，平白糟蹋了她的外貌。其實小朱也曾努力過，坦言在酒店工作期間壓力甚大，「唔可以得罪人，唔理係咪你做錯嘢，老闆都係會鬧你，啲客又會鬧你，佢哋覺得你都唔係咁辛苦。」心灰意冷之時，小珠在工作期間與運輸工人接觸，而冥冥中天意也想這個女孩「追夢」，讓她在報紙中看到一則運輸工招聘廣告，打開了她的新生之門。

「做過物流年幾，果欄3年，做泰國送貨跟車年幾，百佳外判落貨隊3年，依家糧油送貨年幾。」小珠慢慢地數了數履歷，不禁驚訝道：「嘩，原來咁耐㗎啦，真係眨下眼就過。」她說，在男人堆中工作很自在，「大家講嘢好真、好直接，又好團結，有時唔夠力就會互相幫忙，雖然做物流成日大汗滴細汗，但係做得開心，又儲到經驗、錢，又會學到唔同嘅嘢。」用心努力，自然就有回報，小朱試過完成一個送貨點後，收到一位嬸嬸親自煲的涼茶，這事情，讓她更堅信自己走對了路。

試過有人會同我講：『女人仔返屋企煮飯啦，嚟呢度做咩呀？』我聽完無出聲，用行動證明俾佢睇我係得嘅。

廢話少說，以行動證明實力

不要以為小朱以女生身份，就可以在男人為主的跟車圈中無往不利，相反，小朱付出了雙倍努力去證明自己。「試過有人會同我講：『女人仔返屋企煮飯啦，嚟呢度做咩呀？』我聽完無出聲，用行動證明俾佢睇我係得嘅。」

日復日的搬貨、拉貨、送貨，令她的大腿及「老鼠仔」線條盡現，「我都驚太man，所以時刻提醒自己係個女仔，放假就會穿裙，打扮下自己 。」小珠邊說邊笑得腰果眼再現。不過，當聽到司機說後日要到貨櫃碼頭拆貨，她即興奮道：「我又要去，我又要去，拆貨好正呀。」

撰文：加代