此存檔為humansWeb於2018年至2022年期間所管理的真人圖書網絡的相關資料。
「我來自香港北面嘅家族，來自粵中嘅龍氏，來自北京再上面嘅家族，都好遠，後來因為戰亂，大部份就遷徙落咗南方(香港)定居，一路發展幾百年，黎到我呢一代，我屋企人黎咗香港，咁我好自然就黎咗香港。但我爸爸媽媽都唔係香港出世，係喺內地嘅一啲地方，主要都係廣東省。」
最令人好奇的是這本書 — 粵中龍氏族譜，更是在於手持著這本族譜的是一個剛二十出頭的小伙子，對於家族動向也是十分熟悉。「當初係清遠個條村，委託咗人去修定﹑打印﹑編輯，紀錄咗以前宋代(嘅人)點樣係鉅鹿遷徙落黎南方，落咗黎清遠後其實幾百年都係個度架啦。去到近代，覺得有應該有返本族譜。真跡個本，即係用毛筆寫個本就一直都有，但相片呢本係修訂版，由2000年開始，為咗可以俾多啲唔同嘅人保留住，到05, 06年就開始問世啦。」原來族譜製作背後是醞含著對現世改變的擔憂，「世代變啦，好多都唔再係同姓嘅同一條村，可以各地生活，為咗去組合返各散東西嘅人，有本族譜就可以寫返個名上去啦，亦都代表咗可以尋根啦。」家豪認為族譜對他而言很重要，因為現代和後代的人都可追溯自己來自哪兒，他又觀察到家庭觀念在現代化下似乎變輕，一本族譜就是一條保持彼此血緣關係的橋樑，令家族關係的情感得以保留或延續。他又將整個族群比喻為一棵大樹，縱然他和家人只是其中一個小小的分支，他十分珍惜每次回到家鄉與其他親人聯繫的機會。
族譜多為家族中每房的長子保管，細問之下，原來家豪爸爸是兄弟姐妹中排行最小，不是長子嫡孫，理應不會保存族譜，但親人因年紀漸長而又想在適時繼續承傳下去，所以家豪便有機會翻閱族譜。因緣際會參加了「相說哪邦人」一個研究活動，家豪再次翻看這本族譜 。對於家豪，族譜是怎樣的一回事，帶給他怎樣的體會? 「第一下會覺得好奇啦，我本身自己就無宗教嘅，都幾想去探索下我到底係邊度黎嘅，點樣造就宜家嘅我，睇返原來由廣東遷徙個代計起都隔咗十幾代架啦，會感覺上原來自己唔係孤獨，(龍氏)都唔係剩係得我呢家人，仲有屋企人係唔同地方，或者係廣東嘅某一個地方，即使可能未見過，都會覺得好溫暖。」他又認為這是實實在在地紀錄了自己的由來。「愈來愈少有人會對自己血脈好奇，而傳統文化有不斷倒退的情況下，仍然保留到族譜是一件好事。」家豪小時候曾被同學說過他的姓氏很奇怪，他曾感到不是味兒。然而，長大後，這姓氏卻讓他引以為傲。因為「龍」氏除了罕有，他更看重的是背後那段源遠流長的血緣關係，讓自己的「根」有跡可尋。他補充，如果從出世到現在，一直都未曾認識或追溯自己的根源，或者家人不再提及家族背景，不提以前，也許他對「龍民族」或者中國人的認同感會較比上一代少，當意識上與中國的連繫就只剩下這姓氏，一切的緣便熄滅了。
這本族譜盛載著代代親情，原來家豪也不時回到家鄉清遠的祠堂，除了探望不同分支的親人，更重要的是在祠堂對祖先繁衍後代表達感恩。現代年輕人回祠堂「買少見少」，家豪被問到有否察覺自己與同輩的不同?「我可能會多佢地少少家庭觀念比較重，探索屋企背景嘅興趣多少少，同埋同細個嘅生活習慣有關，會規律每年或隔年返一次，都會增加我自己嘅家庭觀念，仲有就係文化會有唔同，因為屋企人都較年長，佢地會較貼近傳統，成日都會講『以前』，令我都會成日講『以前』。」
他回想起小時候回鄉總是花上不少時間，甚至在上學時間也須早退。「隔離同學仔會好好奇問，去邊呀，我會答我返鄉下呀，佢地就會問，下，鄉下邊度呀? 因為個陣唔係好熟悉，就會答，我屋企嘅鄉下啦。佢地會好好奇，到底咩係『鄉下』。」家豪表面說笑，但難掩慨嘆，他感到可惜但又同時理解他們的疑惑，「好少年輕香港人會再返去，甚至唔知乜嘢係鄉下，新一代可能更會直接將鄉下同大陸畫上等號，覺得唔返也罷。」到底甚麼是鄉下? 這對當時還是小學生的家豪來說是份外難形容的概念，這為一路成長的他帶來不少反思，到底應該如何向身邊人介紹甚麼是鄉下，他又說有些年長的人會說回鄉是「返老家」，但對年輕一代來說「返屋企」就是可能自己在香港居住的地方，發現原來時代變遷令人人對家鄉的定義也不同。雖然現在的他只是分支中的其中一片葉，然而，在他言詞中，盼望將整個粵中龍氏傳承的力量卻不小，猜想這個是因著對傳統文化有濃烈求知慾而釀成的獨特氣質。家豪認為他有責任讓傳統傳承，同時亦相信這是時代給予他的挑戰。「某程度上，中西文化嘅唔同，個人主義嘅興起，都會比較愈來愈少人重視傳統，我會諗將來我要組織家庭嘅時候，我要點樣同時去保留我認為重要嘅文化呢，就係呢個挑戰。」
說到觀察到傳統文化有倒退趨勢，他亦理解香港始終由不同文化互相影響，當世界潮流趨向國際化的時候，一些傳統習俗，或富有傳統色彩的事物無可避免地漸漸被取替，甚至被遺忘。 即使如此，家豪的日常生活仍然持守著一些保留傳統文化的習慣，例如不時與家人光顧舊式茶樓，練習正宗筷子用法。或者這些在旁人聽上去是微不足道的事，但每件事的成就都離不開對小事的執著。「因為呢啲都係香港特色，始終香港就係乜文化都有嘅一個地方，如果連呢啲習慣都無埋嘅話，香港文化就會側重西化，如果保留傳統事物，總算可以同其他文化分庭抗禮。」對於自己依然持守這些傳統，家豪認為這是在香港多元文化環境保留傳統特色出一分力。
被問到提及那麼多地方國界文化，他會如何介紹自己是從何來，自己的國族身份是甚麼，家豪簡單的說:「一般人問我，我會答香港人，因為我係香港出世香港生活香港定居，但如果佢問我，你祖籍係邊，我就會答係粵中龍氏。」但他同時又認為自己同時擁有多個民族稱呼，除了「龍民族」﹑「香港人」和「中國人」，其中更特別提到「歷史人」。不乏學者研究及定義何謂「民族身份」，但事實上這一詞或許可以有更多的想像空間和定義。而家豪他最引以為豪的是「歷史人」這個身份。「有同學叫過我做『歷史人』，可能因為講嘢成日都會引經據典。」小時候常常在鄉下從長輩口中聽過不少關於中國戰爭的往事，或是香港殖民地背景的資料，這一點一滴令他開始從紀錄片，網站及歷史書翻查更多相關資料的習慣。「想知道世界發生緊咩事，世界另一邊有著咩歷史，同宜家香港甚至大陸有無相似之處，依家見到嘅呢一面係點樣累積而成，想全面啲去了解一樣嘢。」
家豪成長中夾雜著不少內地的元素，同時眼看中港矛盾因文化差異持續升溫，會否為他帶來挑戰或不方便? 「因為宜家香港嘅氣候會令自己有多咗顧慮，同岩岩識嘅人未必會講得深入，但同自己嘅朋友都會講多啲，其實都願意講返自己嘅根，但可能熟啲先講。」家豪稱呼自己為香港人，但在家豪眼中的香港人是要具備甚麼條件? 「係香港住，願意去承擔香港人呢個名，都係香港人。至於語言﹑信念﹑價值，未必一定要全部一致先叫做香港人，香港本身都係由幾個家族組成，圍頭話，客家話，都唔係同一個語言啦，香港嘅優勢係包含好多多元嘅嘢，例如方言，亦都可以有外地黎嘅語言啦，至於價值觀要睇返本身受緊咩環境或者教育影響，每個人有唔同嘅價值都好合理。我對於家庭背景要尋根究底，但朋友唔係咁認為，咁樣唔代表佢地就唔係香港人。」
生於斯，長於斯，自然希望這土地能保留自己心中最愛的面貌。家豪擔心香港文化會被「溝淡」，再也不能自由地選擇自己喜愛的跨文化生活。其中一張家豪分享的照片是他在飛機上拍攝的香港風景，「正如香港夜景唔只係「萬家燈火」四字可以概括，驟眼望上去無疑係好美麗，但我覺得有多一重意義:『暗』係香港舊有留存嘅特色逐漸被吞噬; 『光』是香港不同的部份仍有不少燈光璀燦照亮著，我慶幸香港仍有佢自己嘅獨特性。」對於前景，他認為「自己喜愛跨文化中的混雜，唔會掩蓋他者，慢慢變得單一，呢個平衡嘅狀態係最理想。」這是他對於未來香港的期盼。
撰文：劉藹玲
攝影﹕Caleb Fung﹑部份照片由受訪者提供
.
copyright ©2021 humansWeb