見住啲病人出門口時係行得走得，都幾有成功感。

「舊式跌打館行到入去都會好壓迫，我想啲病人入到嚟坐會覺得舒服啲、得意啲。」說出此話的梁醫師，形象與一般老成持重的跌打師傅截然不同。他身穿寫有「如有疾病，及時醫治」的T恤，褲子和波鞋上都有骨頭圖案，外表雖然看似年輕，其實他自1992年已經入行，過去跟隨爸爸做跌打，父子兵一同上陣。自10年前爸爸退休，他接手店舖，仍然沿用用了爸爸名字的「梁能評骨傷科醫館」，但就開始落手「改革」醫館，要洗去一般跌打醫館予人的嚴肅感覺，「呢度加啲嗰度加啲，見到搵到就買，得閒又整啲改裝啲，儲下儲下就到𠵱家咁。」

「等同有時出去食飯，見到有啲有公仔樣有卡通（餐廳），你都會覺得好得意，想入去試下啦。」梁醫師指，店舖內不少物品都是精心製作或改裝，由他出主意，再交由專人製造，除了是裝飾，亦具功能性。以貼上不同顏色的木凳為例，當病人走入醫館，梁醫師就會按病人受傷部位，著他們到不同顏色的椅上坐,「有時兩個人都係整親腳，坐埋同一角落咪會打晒交叉！」因此他以顏色將病人分門別類，方便醫治。

除此之外，醫館內有各式各樣的創作，如Q版救護人員造型的鐵皮垃圾桶、模仿人體脊骨的鐵椅子、印有「扭傷一秒鐘，要睇十劑藥」的紅色木凳等等。走入病房內，亦是大有玄機，病床上鋪着印有「光豬穴位圖」的床單，旁邊的洗手間門前有「歡迎光臨迪屎尼」的牌子，裏面則有骷髏頭型的鏡子。

如果係啲老醫師，咁樣整個graffiti(塗鴉)喺門口，可能真係未必接受到。

為鐵閘塗鴉

不過，要說最厲害的作品，要數醫館關門後才會出現的鐵閘畫，「幾年前都未有人會免費畫鐵閘畫，我哋唯有專登搵人設計同噴，𠵱家個設計係有個身體、有條脊椎，好代表到跌打館。雖然用咗過萬蚊，不過原來真係吸引到人。有啲後生仔同返我講，話原來係之前夜晚行過見到個閘，已經諗：第時整親不如過嚟睇啦！」

「如果係啲老醫師，咁樣整個graffiti(塗鴉)喺門口，可能真係未必接受到。」梁醫師笑說。事實上，由父親時代起計，梁家的醫館紮根長沙灣已有40多年，期間雖搬過不同位置，但他們與區內街坊已是「熟晒」，「每日出出入入都見到唔少街坊，有啲係我睇住佢大，有啲係佢哋睇住我大，有啲係三代都喺度幫襯……當係西醫嘅家庭醫生咁囉，有咩筋骨唔舒服都喺度睇咗先。」

身為第二代傳人的梁天柱，自小亦在長沙灣讀書、長大，表示小時候前舖後居，「細細個」已浸淫在跌打氣息中，長大後順理成章地入行，在香港、內地考取各種中醫資格，一做就是20多年，「見住啲病人出門口時係行得走得，都幾有成功感。」

在記者採訪期間，不斷有病人來到醫館，梁醫師也一一細心診治，並在他們的傷患貼上一個個寫有「好Q痛」、「快D好」字樣的特製藥包，又會在包紮後貼上寫有拆藥時間的骨頭形貼紙。不論是個人外表、店舖裝修，就連用藥包紮也要如此自成一家，梁醫師是否會怕被人質疑專業？「換個角度睇，可能啲人見到成件事咁有創意，都會覺得，呢個中醫唔似普通醫生，會唔會喺治療方面都有啲創新諗法呢？」館內牆上除了掛有一百多張他的專業證書，旁邊就是一些由他創作的改圖，其中一張寫着：「與其相信老中醫，不如相信老實的中醫」，或者這一句恰好就是他的心聲？

本文獲《香港01》授權轉載