雖然見鬼多過見人，但係好怕面對啲人。

同事返工上香、戴玉擋煞

娟有位同事，每晚巡邏可是膽戰心驚，怕黑又怕鬼。她經常煞有介事地跟阿娟說「撞鬼」。「佢話坐係度都聽到有聲，有時又話見到有個影企喺度，想行埋啲又閃得好快。」因此，同事們也會戴著玉佩擋煞，巡邏前會先上香祈福，有些會帶著火機巡邏，主動燃點燒剩的香燭。但同事依然說：「雖然見鬼多過見人，但係好怕面對啲人。𠵱家一樣見到鬼，但係已經無咁驚。越做越鍾意。」

不怕鬼，卻怕野狗

阿娟信奉天主教，她不怕，巡邏時經過墓碑會唸經文：「因為我又冇害過佢哋，我𠵱家喺度做嘢都係服務佢哋，所以我唔驚。」不過，當墳場保安的確要有「膽」，未見鬼，先要過野狗一關。

她還記得上班第一晚，四周陰暗，甫進墳場聽到狗吠聲，墳場的野狗像狼般嚇人。她硬着頭皮繼續前行：「個心就諗，我嚟呢度返工，自己要鎮定啲！」狗隻發出低吼聲走近時，阿娟還跟牠們說：「我嚟呢度返工㗎咋，搵啖飯食，唔好搞我。」久而久之，阿娟習慣了。訪問這天，當我們走近山墳，7、8頭野犬朝著我們吠叫。阿娟踏前一步，呼喝牠們收聲，牠們就立刻後退。

惡犬沒有嚇退阿娟，因為她恐懼的是人。

總之唔好理，人哋永遠係啱。投訴你哋，你哋要做好啲。

屋苑保安被無理投訴：好大壓力

當墳場保安前，阿娟曾在屋苑當過2、3個月夜更保安。每更12小時，每小時巡邏一次，輪流巡查公園、商場、停車場等。她說，因為屋苑有人，害怕會被打劫，那時夜裡巡邏反而會害怕；不論陰暗處看到有人走近，還是進廁所檢查，「半夜好驚，又靜。覺得嗰度好似會有啲危險。」

害怕的是賊，施壓的是住客。

大堂當值同事休息時，阿娟要頂替當值一小時。這一小時她要金睛火眼時刻盯大門；她不是怕小偷會秒速潛入，而是生怕錯過住客回來的瞬間，按慢一秒開門的按鈕動輒會被投訴：「一撳鐘開遲一步，就嘈啦。」有些住客會破口大罵：「點做㗎你，看更見到人入嚟就要開門㗎嘛，慢手慢腳！」有些住客甚至懶去伸手按開門鍵，閘外探頭一看，眼神交待一聲：「咁你就要開㗎啦！」

其實大門外張貼告示，指住客需要自行按密碼或拍卡開門，但當有住客投訴時，主管依然會責斥阿娟：「總之唔好理，人哋永遠係啱。投訴你哋，你哋要做好啲。」有些訪客前來不願配合登記，就會向保安發脾氣，然後就會跟住客說：「我哋本來快啲到㗎，喺你哋留下啲保安留難我！」然後又打電話到保安控制室投訴。阿娟沒好氣地說：「有啲訪客入到嚟話已經打咗電話上去（給住客），可以開門畀我哋。咁就算入咗嚟，我都要問邊層、幾多室、登記身份證，唔肯就發爛渣！」

坐在花槽旁被威脅釘牌，決意辭職

一個清晨，阿娟在公園等待報紙送抵時，因雙腿疲勞，坐在花槽邊稍事休息，「對正馬路，諗住一望到架車就即刻起身。」車還未到，等得脖子累了，阿娟才稍稍垂下頭放鬆肩頸，不幸被業主立案法團的委員看到：「啱啱耷低頭就啱啱嚟，佢問我做乜坐喺公園，唔坐得！耷低頭肯定係想瞓覺！」委員向保安主管投訴，堅持要向阿娟發警告信。保安主管也覺無理，解釋過後委員卻依然窮追猛打：「委員話我係狡辯，又話如果再有見到咁樣，就去牌照科告我，釘我牌。」娟霸氣，乾脆辭職不幹：「唉，唔好做好過啦，咁煩嘅。居屋咋嘛，啲人咁巴閉，咁都睇唔起人，坐吓都咁緊張。」

墳場保安8小時只巡邏2次

辭職後幾天，她看到有夜更墳場保安招聘，二話不說去應徵。墳場保安向來難聘長工。她說，有些人因家人反對，認為在墳場工作不吉利，當幾個月就會辭職。但墳場保安其實是一份筍工，工資與大廈保安相約，但卻較輕鬆。一般夜更保安一更12小時，墳場保安每天只需工作8小時。阿娟從前工作12小時要巡邏12次，現在8小時只需巡邏2次。夜裡甚少客人，免卻被投訴的機會，既沒有保安主管，只有兩名保安。

墳場訪客和寂寞的保安

墳場，不是死後的容身之所，更是無數在世的人安身之處。夜裏阿娟未曾遇上鬼，遇上的都是同路人。阿娟見過南亞裔的男子三五成群在墳場裡飲酒聊天，也有人深夜2時在墳場看書，直至天亮才離開，亦曾有傷心的女士在墳場內哭泣遊走。

有次，她遇到有位年邁的老人帶著一袋二袋「家檔」躲在陰暗處睡，老人害怕被趕，連忙說：「我瞓吓覺咋，我一陣間會走。」天快亮了他還在，阿娟見他睡得正酣就沒有把他趕去：「睇佢又應該唔係露宿者，著得好乾淨嘅。」

我覺得夜晚嘅墳場都幾特別，有啲人當咗係好唔開心、紓發嘅地方，喊都冇人睇到佢，有啲或者唔知抱住咩心情喺度到睇書。

娟，其實為什麼會當夜更保安？當保安之前，阿娟大半生在教堂、醫院工作，安排安息彌撒、為逝者包好遺體也是常事。後來患過癌症，康復後，因身體需要休養無法幫忙照顧孫兒，兒子一家因而改與親家同住，阿娟成為獨居長者。孩子們各有家室，工作忙碌，現在一個月也未能一家吃一頓飯。

她習慣早起，卻又難耐孤寂，積極參加長者中心舉辦的活動，行山、攀石、遊繩、非洲鼓興趣班通通都參加，沒有活動時就留在中心與其他長者聊天。然而，中心還是會關門。「返屋企夜晚一個人喺屋企都對住幅牆，覺得好靜、好慘。 日日睇書睇報紙都睇唔到咁多。」阿娟便因此當起夜更保安，即使夜闌人靜，「至少唔係喺屋企對住四幅牆。」

「我覺得夜晚嘅墳場都幾特別，有啲人當咗係好唔開心、紓發嘅地方，喊都冇人睇到佢，有啲或者唔知抱住咩心情喺度到睇書。」就如墳場對阿娟來說，也是逃離孤寂的地方。

本文獲《香港01》授權轉載