呢一种美学系属于我哋嘅嘢，但往往我哋自己唔系好珍惜。

被香港人视为日常一部分、堆叠于狭窄街道中的霓虹招牌，外国人觉得震撼。80年代时，已有一群日本人来港研究街道设计、招牌美学，日本动漫作品《攻壳机动队》、美国电影《奇异博士》等作品都以霓虹招牌作为标示。

「如果你问香港仲有啲乜嘢值得保留，你会好快讲出狮子山、菠萝油、丝袜奶茶、电车、太平山，呢啲所谓嘅视觉符号都用咗好多年，但系你会发现霓虹灯一直都冇咩人讲。」郭斯恒续道：「呢一种美学系属于我哋嘅嘢，但往往我哋自己唔系好珍惜。」他说。

霓虹的意义

看惯了霓虹招牌在黑夜街头闪烁的景色，港人或对此已不以为然，但数十年前上海师傅将制作霓虹招牌的技术带来香港，却是一项高科技。「你谂下，无线电视都系60年代先开台，但霓虹灯50年代喺香港已经好盛行。」

郭斯恒说，当年一个霓虹招牌，可能是一件大事，店家不但会根据行业的特性、风水，选择招牌上的书法字体，更会加上创意图案，五花八门的招牌加起来，就成了一幅繁华的景象：「8、90年代，譬如铜锣湾大丸、松阪屋、三越呢啲百货公司，𠮶一区都有啲霓虹招牌。」

一个社区里面，每一日都有好多人喺𠮶度生活，佢哋会认定咗𠮶几个招牌，同佢嘅生活或者成长有密切关系。

记忆的载体
不过，招牌的意义其实远超于商业上的宣传。对于每日都会经过街道的人来说，霓虹招牌是一个地标，以及情感、记忆的载体。「一个社区里面，每一日都有好多人喺𠮶度生活，佢哋会认定咗𠮶几个招牌，同佢嘅生活或者成长有密切关系。」招牌逐一被拆，对香港人好像未有太大影响，但郭斯恒认为，人们对社区的记忆会慢慢消失。

保育也讲彩数

屋宇署自2010年起，订立了招牌监管制度，并针对日久失修、较大的违例招牌展开了执法行动。但其实有钱保养、检查的话，问题就可以迎刃而解。「唔系你拆咗换过晒就可以继续摆，而系每3、4年，你要再递过一张保养报告畀屋宇署，每次可能讲紧几万至十万不等。」郭斯恒续道：「咁当然唔系好多小商户都畀得起呢个钱。」

当招牌一个个被除下之际，郭斯恒用相机纪录招牌之余，也身体力行，尽量「救得一个得一个」。访问期间，他小心翼翼地翻着一堆由霓虹灯公司捐赠的发黄手稿，找出了「正佳肉食公司」的招牌草图，然后指了指桌上一块不完整，上面写着「猪腊」的水磨石，说那就是一块他们救回来的外墙：「好好彩我哋𠮶日有行过间舖头，佢就已经封晒围板、拆到一半，我哋好似疯狂咁走入去个地盘，问个师傅可唔可以（畀我哋）执返几件残骸返屋企或者学校。」

不过，麦文记面家的招牌却不如这外墙般幸运，该招牌于今年初收到屋宇署的通知后，被拆下送往堆填区。「老板应该都问过M+，但我谂M+储够货啦，佢主要都系摆喺𠮶个香港展馆，因为佢都攞咗森美餐厅个牛招牌，同埋鸡记𠮶个，应该已经冇空间。」郭斯恒继续说：「始终我哋都唔系博物馆，收唔到个招牌，最后倾唔掂都系要拆。」他说起来也带点可惜。

喺重未太迟嘅时候，我觉得政府应该要出手。

霓虹灯走入室内

一个个充满集体回忆的招牌被拆，屋宇署彷似势不可挡，不少人看得悲观，但造霓虹灯的老师傅却不是这样看。「我哋访问咗几个师傅，大部份都好正面。佢哋会觉得霓虹灯系经济发展嘅表征，话总之有娱乐、经济发展好，就一定有人做霓虹灯。」郭斯恒坦言，对老师傅的看法半信半疑，但慢慢地，他发现在室外渐渐消失的霓虹灯光，转而走入室内，成为新潮的摆设。

纵然那抹霓虹以另一种方式得以保留，但郭斯恒总觉缺少了味道，说到底，他希望霓虹招牌能够原址保留，在街上继续发光发热。「喺重未太迟嘅时候，我觉得政府应该要出手。古物咨询委员会都将古物分为一级、二级、三级咁去保留，一个咁大嘅建筑都可以保育，点解一个细嘅招牌就唔可以？」重要的招牌可由政府保育，历史、美学上较次要的，则可由政府和商舖携手保育：「可以唔系一刀切，一路拆毁我哋咁多年嘅视觉文化。」

本文获《香港01》授权转载